Պատմություն եվ արժեքներ

«ԱրևՄեդ»-ի համար առաջնային է Ձեր հարազատի առողջությունն ու հարմարավետ միջավայրի ստեղծումը։ Մեզ մոտ Ձեր հարազատը ապահովված է խնամքի բոլոր պայմաններով և պարագաներով։ Մեր աշխատակիցները սիրով և հոգատարությամբ 24/7 ռեժիմով աշխատում են Ձեր տարեց և հիվանդ հարազատների կյանքի որակը բարելավելու համար։

«ԱրևՄեդ»-ը հաջողությամբ օգնում է տարեցներին և նրանց ընտանիքներին արդեն 3 տարի՝ ծերերի խնամքի և վերականգնողական կենտրոնի տարեցների համար մատուցելով ծառայությունների ամբողջական փաթեթ:

• Հենաշարժողական խնդիրներ ունեցող մարդկանց համար մեզ մոտ հարմար է տեղաշարժվելը
• Փոքր խնդիր նկատելու դեպքում արագ տեղեկացնում ենք հարազատին և բժշկին
• Պահպանում ենք անհատական սննդակարգը
• Հետևում ենք դեղերի ընդունման ժամերին
• Ցուցաբերում ենք հոգատար և սրտացավ վերաբերմունք

Համագործակցելով եվրոպայի հայտնի խնամքի կենտրոնների հետ (Գերմանիա, Ֆրանսիա, Իսպանիա)՝ կիրառում ենք նրանց փորձը՝ խնամքը և հիգիենան բարձր մակարդակով կազմակերպելու համար։

Մեր կենտրոններում բնակիչներին տրամադրում ենք բժշկական աջակցություն՝ զուգորդված 24-ժամյա հետևողական խնամքով: «ԱրևՄեդ»-ի կենտրոնները մասնագիտացված են ինսուլտից, սրտի կաթվածից, կոտրվածքներից, էնդոպրոթեզավորումից հետո, COVID-19-ով պայմանավորված մի շարք հիվանդություններով տարեցների խնամքի և վերականգնման գործում։ Մենք դեմենցիայով, Ալցհեյմերով, Փիկի հիվանդությամբ և ապակողմնորոշում ունեցող տարբեր հիվանդություններով մարդկանց հետ աշխատելու մեծ փորձ ունենք։

«ԱրևՄեդ»-ի սրտացավ աշխատակիցները գիտեն, թե ինչպես բարելավել ձեր սիրելիի ֆիզիկական և էմոցիոնալ բարեկեցությունն՝ անկախ հիվանդության տեսակից և բարդության աստիճանից։ Մեր բոլոր աշխատակիցների առաջնահերթ խնդիրն է ձեր տարեց հարազատի մոտ արթնացնել հետաքրքրություն՝ կյանքի և շրջապատող աշխարհի նկատմամբ՝ դրանով իսկ դրդել նրանց վերականգնելու հույսն ու լավատեսությունը:

Ամենօրյա ժամանցը (երաժշտաթերապիա, արտ-թերապիա, սեղանի խաղեր, կինո, համերգներ, զբոսանք և շատ ավելին) նրանց ամեն օրը դարձնում են հետաքրքիր և հագեցած:

Վստա՛հ եղեք, որ մեր փորձառու աշխատակիցները Ձեր հարազատին տալիս են ուշադրություն և անհրաժեշտ խնամք։

Մեր կենտրոնների անձնակազմի չափազանց կարևոր բաղադրիչը բնակիչներին գնահատելու և նրանցից յուրաքանչյուրին որպես մարդկային արժանապատվություն ունեցող անհատներ տեսնելու կարողությունն է: Մեր անձնակազմը շատ նրբանկատ է վերաբերվում տարեցներին և հիվանդներին, նույնիսկ եթե նրանք ամեն ինչ չեն հասկանում կամ չեն կարողանում բարձրաձայն արտահայտել իրենց ցանկությունները:

Ձեր հարազատն արժանի է լավագույն խնամքին և բուժմանը: Ուստի այստեղ մենք ոչ միայն խնամք ենք մատուցում, այլև հոգում ենք մեր բնակիչների մասին՝ ամեն ինչ անելով կյանքի որակը բարելավելու համար՝ անկախ նրանց հոգեկան ու ֆիզիկական վիճակից։