Պրոֆեսիոնալ անձնակազմ

Արժեքը ներառում է այն ամենը, ինչ ձեզ հարկավոր է՝ կացարան, սնունդ, շուրջօրյա բժշկական օգնություն, հսկողություն և վերականգնողական աշխատանք՝ համապատասխան մասնագետների հետ։

«ԱրևՄեդ»-ի աշխատակիցներն աշխատում են յուրաքանչյուր բնակչի հետ՝ ցուցաբերելով անհատական մոտեցում։ Մեր աշխատանքը հիմնված է փոխվստահության և փոխգործակցության վրա։ Տարեցների և նրանց ընտանիքների կայացված որոշումներն ու ընտրությունները հարգվում և հաշվի են առնվում ստացիոնար խնամքի ծրագիրը մշակելիս և իրականացնելիս: Մենք ճշտում ենք յուրաքանչյուր բնակչի հետաքրքրություններն ու սովորությունները, որպեսզի օգնենք նրանց հարմարվել նոր միջավայրին:

Մեր խնամակալները մշտապես հսկում են յուրաքանչյուր տարեցի վարքագիծը և գիտեն, թե ինչպես կարելի է բարելավել ձեր հարազատի ֆիզիկական և էմոցիոնալ վիճակը։ «ԱրևՄեդ»-ում աշխատանքի ենք ընդունում կարեկցանքի զգացումով աշխատողների, որոնց համար կարևոր է օգնել մարդկանց։ Մեր մասնագետները չեն վախենում աշխատել առողջական տարբեր խնդիրներ ունեցող մարդկանց հետ։ Նրանք գիտեն, թե ինչպես շփվել հիվանդների և նրանց հարազատների հետ և աշխատել թիմում:

Մեր բոլոր աշխատակիցները հանգիստ, առանց նյարդայնանալու շփվում են տարեցների հետ՝ չեն շտապեցնում նրանց, չեն բարձրացնում իրենց ձայնը, ցուցաբերում են համբերություն և հոգատարություն։ «ԱրևՄեդ»-ում աշխատակիցների աշխատանքն ուղղված է բոլոր բնակիչների առավելագույն հարմարավետությանը։